Fréttir

Frá skrifstofunni

Erlendir starfsmenn Foreign workers

Efnahagsástandið

Vinnuréttur

S	M	Þ	M	F	F	L
29	30	31	1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30	1	2
3	4	5	6	7	8	9
	September 2010

Viltu gerast áskrifandi?

6. september 2010 16:27

Aðfúsugestir í heimsókn

Fulltrúaráð NNN, Norsk Nærings- og Nytelsesmiddelarbeiderforbund, sem eru systrasamtök Starfsgreinasambandsins í Noregi heimsækja SGS n.k. fimmtudag, m.a. til að ræða stöðu og horfur í kjara- og atvinnumálum á Íslandi, einkum ný tækifæri í matvælavinnslu. Þá verður aðildarumsókn Íslands að ESB einnig á dagskrá en það málefni vekur áhuga í Noregi. Það er starfsfólk í landbúnaðartengdum matvælaiðnaði og fiskvinnslu sem á aðild að NNN. NNN er samstarfsaðili SGS í Nordisk Union og evrópusamtökunum EFFAT.

Hér eru auðfúsugestir á ferð, sem láta sig málefni okkar varða enda hafa tengsl og vináttubönd verið með SGS og NNN um árabil. Formaður SGS, Kristján Gunnarsson, framkvæmdastjóri SGS, Skúli Thoroddsen og sviðstjóri matvælasviðs SGS, Halldóra Sveinsdóttir taka á móti gestunum auk þess sem Gylfi Arnbjörnsson forseti ASÍ ræðir við hópinn. Norðmennirnir munu einnig heimsækja landsbyggðina og taka hús á Húsvíkingum í sinni för og koma við í Grindavík.

Þeir Hans Olav Nilson sem er formaður sænska matvælasambandsins, LIVS, Nordisk Union og alþjóðasamtakanna IUF ásamt Pauli Kristiansson framkvæmdastjóra Nordisk Union verða einnig á Íslandi í þessari viku m.a. til að undirbúa þing Nordisk Union sem haldið verður á Íslandi næsta ár.

Bæði hin norrænu og evrópsku heildarsamtök launafólks sem Starfsgreinasambandið er aðili að hafa heitið SGS og íslensku launafólki stuðningi vegna aðildaviðræðna Íslands við ESB og reyndar fagnað því sérstaklega að þær viðræður séu nú hafnar. Málefni aðildarviðræðna Íslands og samnorræn kjaramál verða einnig rædd við þá Hans Olav og Pauli.

24. ágúst 2010 07:32

Komandi kjaraviðræður í ljósi sögunnar

Enn á ný verður krafan sú „að negla niður kjaraskerðinguna“ til þess að bjarga „afkomu þjóðarbúsins“. - Útvegsmenn greiða sér arð í evrum meðan alþýðan er kúguð til kjaraskerðinga með ónýtri krónu.

Allar götur frá miðri síðustu öld hefur Ísland verið verðbólguland, þar sem sífelldum vandkvæðum var háð að halda verðgildi krónunnar sæmilega stöðugu. Reyndar má fara enn lengra aftur og segja sem svo að verðgildi krónunnar gagnvart t.d. dönsku krónunni hafi hrunið úr einni á móti einni árið 1904 í eina danska á móti tvöþúsund íslenskum árið 2010 (20 nýkrónur eftir gjaldmiðlabreytinguna 1980/81). Kjarabaráttan á Íslandi er að þessu leytinu til mörkuð af gengisfellingum, verðbólgu og stöðugri varnarbaráttu til að viðhalda kaupmætti í fjandsamlegu umhverfi óstöðugrar krónu. Mál er að linni.

En víkjum nánar að sögunni.

Verðbólgan var um 13% að jafnaði á viðreisnarárunum 1959-1971. Lengi var markmið stjórnvalda að halda verðbólgu innan við 10% en eftir 1973 reyndist álíka erfitt að halda henni innan við 40%. Hún fór í um 50% 1974 og um 1980 stóð glíman við 60%.

meira...

15. júlí 2010 16:06

SGS styður baráttu starfsmanna Century Aluminium í Bandaríkjunum.

„Verkalýðshreyfingin á Íslandi þarf að gæta þess að alþjóðleg fyrirtæki noti Ísland ekki til félagslegra undirboða – þ.e. hóti ekki að flytja starfssemi sína til Íslands, gefi launafólk ekki eftir umsamin kjör sín,“ segir í bréfi sviðstjóra iðnaðarsviðs Starfsgreinasambandsins, Sverris Albertssonar til starfsfólks Century Aluminium, - Locals 9433 þar sem lýst er stuðningi við baráttu þeirra fyrir því að viðhalda þeim lífskjörum sem þeir hafa þegar samið um.

Iðnaðarsvið Starfsgreinasambands Íslands hefur verið síðustu vikur í sambandi við félagsmenn „United Steel Workers – Local 9433“ í Hawesville, Kentucky, í Bandaríkjunum, en þar rekur Century Aluminium, fyrirtækið sem á og rekur Norðurál og undirbýr byggingu álvers í Helguvík, álver.

Kjarasamningar við fyrirtækið hafa verið lausir síðan í apríl og síðasti frestur til að ganga frá samningi rann út í maí. Líkur á verkföllum eða því að verksmiðjan loki eykst því dag frá degi.

Century Aluminium krefst þess að starfsmenn samþykki verulega skerðingu sjúkratrygginga og að lífeyrisþegar verði sviptir sjúkratryggingum í framtíðinni. Þá vill fyrirtækið afnema samráð starfsmanna og stjórnenda sem verið hefur. Skerðing sjúkratrygginga starfsmanna eykur mjög á félagslegt óöryggi þeirra og skerðir lífskjör umtalsvert.

meira...

8. júlí 2010 16:01

Styrkur evrópsku verkalýðshreyfingarinnar og lífeyrismál á fundi EMCEF

Sameiginleg afstaða hinnar evrópsku verkalýðshreyfingar er gífurlega mikilvæg í viðræðum við evrópska atvinnurekendur og Evrópusambandið. Social Dialog- samvirkni hagsmunaaðila er í raun eina tæki aðila vinnumarkaðarins á vettvangi ESB (og EES) til að ræða þróun Evrópulögjafar og Evrópuréttar á svið félagsmála og almannahags og tækifæri verkalýðshreyfingarinnar til að háfa áhrif þróun Evrópu í átt til félagslegra lausna. Þetta kom fra á fundi fulltrúaráðsfundur EMCEF sem haldinn í París um mánaðarmótin júní/júli s.l.

EMCEF eru evrópusamtök verkalýðsfélaga í námu- efna- og orkuiðnaði. 130 þátttakendur víðsvegar að úr Evrópu sóttu fundinn, m.a. fulltrúi SGS, sem er aðili að samtökunum. Það voru frönsku verkalýðsfélögin í sambandinu sem voru gestgjafar fundarins.

Meigin efni fundarins var umræðan um stofnun nýrra heildarsamtaka evrópskra verkalýðsfélaga í iðnaði, ,,European Industrial Trade Union Federation” þar sem áherslan var lögð á mikilvægi þess að sameina krafta EMCEF, EMF (evrópsku málmiðnaðarsamtakanna) og ETUF:TCL (evrópsku textilsamtakanna) í því skyni að móta sameiginlega afstöðu verkalýðshreyfingarinnar í þessum starfsgreinum á fimm megin málefnasviðum: hnattvæðingunni, alþjóðlegri fjármögnun, afiðnun (deindustrialization), kreppunni og málefnum varðandi samruna alþjóðlegra sambanda.

meira...

8. júní 2010 20:37

Skipulagsbreytingar á döfinni hjá ASÍ.

Mikil umræða hefur farið fram á vettvangi ASÍ á vormisseri um skipulagsmál hreyfingarinnar. Fundir hafa verið haldnir með öllum aðildarfélögum og samböndum ASÍ þar sem framtíðarsýn var reifuð og rædd. Fjögur megin atriði standa upp úr þeirri umræðu. Í fyrsta lagi er það aðildarfyrikomulag að ASÍ, en nú er aðildin ýmist bein eða í gegnum landssambönd stéttarfélaga eins og t.d. Starfsgreinasamband Íslands. Starfsgreinasambandið er stærst landssambanda með 19 aðildarfélög verkafólks innan sambandsins og um 55 félagsmenn í ýmsum starfsgreinum um allt land. Í öðru lagi var það spurning um hlutverk þings ASÍ. Í þriðja lagi skipan stjórna ASÍ og í fjórða lagi staða ungs fólks í verkalýðshreyfingunni.

Framkvæmdastjórn Starfsgreinasambandins hefur fjallað um þessi atriði og komist að þeirri niðurstöðu að ekkert sé því til fyrirstöðu að Starfsgreinasamband Íslands geti áfram orðið mikilvægur samráðsvettvangur eða samband einstakra starfsgreina og/eða stéttarfélaga sem sameiginlegra hagsmuna hafa að gæta á tilteknum sviðum um tiltekin málefni þótt bein aðild þeirra að ASÍ yrði veruleiki án milligöngu SGS. Það getur átt við vegna starfsmanna ríkis og sveitarfélaga, í ferðaþjónustugreinum, á matvælasviði, í bygginga- og flutningargreinum, á iðnaðar- og orkusviði. Á öllum þessum sviðum gildi kjarasamningar SGS við ríki, sveitarfélög og SA.

Slíkur samráðsvettvangur starfsgreina er að verða æ mikilvægari þar sem samvirkni hagsmunaaðila og stjórnvalda er nauðsynleg til þess að tryggja árangur félagslegra úrbóta sem um er samið og vegna umræðu um hagsmuni starfsfólks í tilteknum atvinnugreinum, fjölgunar verðmeiri starfa og nýsköpunar. Þannig starfar hin norræna og evrópska verkalýðshreyfing í meginatriðum og gerir sig gildandi um þau málefni sem starfsgreinarnar varða. Í hugmyndum að skipulagsbreytingnum felist þess vegna nýtt tækifæri fyrir Starfsgreinasamandið, sem sé það að laða önnur aðildarfélög ASÍ, í tilteknum starfsgreinum, að slíkum samráðsvettvangi. Slík umræða yrði þó fyrst tekin að samþykktum skipulagsbreytingum um aðild að ASÍ.

Hér fer á eftir umsögn framkvæmdastjórnar SGS frá 21. maí s.l.:

meira...

2. júní 2010 11:18

Þriðji fasinn

Við verðum að ætla að því fólki sem stendur að Besta flokknum sé umhugað um lýðræðið og þau gildi sem í því felast, réttlæti og jafnrétti.

Það má velta því fyrir sér hvort umfjöllun um umliðnar sveitastjórnarkosningar eigi erindi í umræðuna um verkalýðspólitík og þá hvaða skilaboð séu mikilvægust til lærdóms af því tilefni. Sú hugmyndafræði jafnréttis, frelsis og bræðalags sem sósíalistar og verkalýðshreyfingin byggja á í grundvallaratriðum tekst á við hugmyndafræði sérhagsmuna og einstaklingshyggju. Hugmyndafræði verkalýshreyfingarinnar, jöfnuðar- og samvinnu er í andstöðu við hugmyndafræði frjálshyggju og kapitalisma. Vinstri gegn hægri. Allar götur frá frönsku byltingunni 1789 hafa átakastjórnmál í Evrópu og hér á landi á síðustu öld hverfst um þessa tvo póla, hægri pólitík og/eða vinstri þar sem vinstri hefur staðið fyrir framförum og félagslegum umbótum meðan hægri hefur varið „frelsi einstaklingsins til athafna“ oft á kostnað almannahagsmuna.

Með vaxandi velmegun, félagslegum úrbótum og árangri verkalýðsbaráttunnar hafa andstæður stjórmálanna horfið í skuggann af nýjum áherslum og bein þátttaka verkalýðshreyfingarinnar í stjórnmálum hér á landi vikið til hliðar því miður. Stjórnmálamenn sem hafa haft hag af því að vera í stjórnmálum sín vegna, frekar en þeirra hugsjóna sem þeir segjast standa fyrir, virðast hafa náð undirtökunum í hinu pólitíska litrófi, oft á kostnað almannahagsmuna með alvarlegum afleiðingum eins og við hrunið. Við þessar skelfilegu aðstæður gerir fólk uppreisn.

Fyrst var það búsáhaldabyltingin sem hrakti ríkisstjórnina frá völdum. Næst var það Besti flokkurinn sem gaf almenningi í Reykjavík kost á að hafna spilltum stjórnmálaflokknum með afgerandi hætti þótt málefnastefna hans væri bæði óviss og marklaus og sett fram í gamni. En var það svo?

meira...

24. maí 2010 17:35

Íslensk matvælaframleiðsla í hæsta gæðaflokki innanlands og erlendis.

,,Ný stefnumörkun fyrir nýsköpun í matvælavinnslu á Íslandi er nauðsynleg, stefnumörkun sem aðilar vinnumarkaðarins, stjórnvöld og vísindasamfélagið verða að koma að,” segir í ályktun framkvæmdastjórnar Starfsgreinasambandsins frá 21. þ.m.

Framkvæmdastjórnin bendir á að í dag stækkar sá markhópur sem gerir kröfur um vörur sem hafa sérstöðu sem byggja á góðri hönnun, gæðum, öryggi og rekjanleika. ,,Á þessum forsendum þurfa íslenskar vörur að byggja. Til matvælavinnslu, höfum við bæði gott hráefni og þekkingu til staðar sem nýta má á skilvirkari hátt. Íslensk matvælaframleiðsla getur verið í hæsta gæðaflokki í samkeppninni innanlands og erlendis. Hér leynist fjöldinn allur af tækifærum sem kallar á samstarf við markaðsaðila og hönnuði til að skapa vörur með sérstöðu. Einnig liggja umtalsverð tækifæri í öflugri gróðurhúsarækt, en þá þarf að skapa vænlegra rekstrarumhverfi með lægra raforkuverði til ræktenda,” segir m.a. í ályktuninni sem hér fer á eftir.

meira...

21. maí 2010 16:24

Tryggja verður trúverðugleika lífeyriskerfisins og samfélagslega ábyrgar fjárfestingar.

„Framkvæmdastjórn Starfsgreinasambandsins telur mikilvægt að lífeyrissjóðakerfið grundvallist áfram á skylduaðild, samtryggingu, sjóðasöfnun og sjálfbærni kynslóðanna. Tryggja verður að fjárfestingarstefna sjóðanna sé unnin á traustum forsendum. Þar verða hagsmunir sjóðfélaga að sitja í fyrirúmi þar sem fagleg vinnubrögð og siðferðileg nálgun haldast í hendur. Hafi verið misbrestur þar á verður verkalýðshreyfingin að taka á þeim vanda af festu og ábyrgð m.a. með mótun skýrrar stefnu í lífeyrismálum. Framkvæmdastjórnin fagnar þess vegna þeirri umræðu sem nú á sér stað á vettvangi ASÍ um lífeyrismál og þeirri ákvörðun Landssambands lífeyrissjóða að setja í ganga vinnu óháðrar rannsóknarnefndar um málefni lífeyriskerfisins,“ segir í umsögn framkvæmdastjórnar SGS um fram komin drög ASÍ um málefni lífeyrissjóðanna og „væntir þess að fomannafundur ASÍ, sem haldinn verður 25. þ.m. staðfesti í meginatriðum þá hugmyndafræði sem mótuð var á fulltrúafundi aðildarsamtaka ASÍ í febrúar.“

meira...